學一種語言

在損友群中，損友甲是唯一一個通曉八種語言的，包括英文、普通話、粵語、德文、西班牙話、法文，韓國話，再加少許菲律賓話。「英文同普通話我可以理解，德文好難學，你點解無端端走去學德文？」損友乙丙齊問損友甲。「我個仔細個嘅時候，入讀德瑞國際學校，佢嘅second language就係德國語文，我唔想請補習老師，所以自己學埋一份，萬一個仔有乜嘢德文唔明，問我就得；不過，當然多數係我唔明問佢啦！佢見老竇都學得興致勃勃，有個人同佢喺屋企廢噏德文，亦係一種親子樂趣，所以佢呢一科考得好好。」損友甲出名係二十四孝老竇。